Mabilisang update lang pagkalipas ng limang taon. Oo, ser. 5 years! Same format pa rin tayo katulad no'ng nakaraan.
Pamilya - Maayos naman kami. May discount card na ang mga magulang ko. P'wede nang sabihin na kahit papaano ay nakakaluwag-luwag na. May pa-travel-travel na e. Hehe. Sa kasalukuyan, may kinakaharap lang kaming ilang suliranin na malalampasan din naman pagkalipas ng dalawang linggo.
Pag-ibig - Nakita ko na ang babaeng makakasama at makakatuwang ko sa buhay. Ang magiging ina ng lima kong anak. *Kindat*
Kalusugan - Mataba pa rin. Kung anu-ano na rin ang dumapong sakit. Nakaka-survive naman. Hindi pa rin nawawalan ng pag-asang balang araw ay tutubuan din ng abs.
Trabaho - Nasa ikatlong kumpanya ko na ako ngayon. Kaka-isang taon ko lang noong Mayo. Masaya naman. Nasa pang-malakasan at matatagan tayo. Dito na ata ako yayaman, este tatanda. *Kindat ulit*
Mga kung anu-anong trip at shit sa buhay - Nawala na talaga sa listahan ng mga gusto kong gawin ang pagsulat -- akala mo naman eh. Kung saan-saang lupalop na ako napadpad. Wala na nga ako sa bilang kung ilang beses na akong nakasakay sa eroplano. Marami nang bundok ang naakyat - hindi lang basta bundok, ubod nang tataas at hirap akyatin na bundok. Natupad ko na rin 'yung pangarap kong magbisikleta. Sa katunayan nga niyan nang dahil sa pandemya ay bumuo ako ng bagong bisikleta at naengganyo ring gumawa ng YouTube Channel.
'Yun talaga ang isinadya ko dito. Mag-subscribe kayo sa channel ko! Haha. Bye! Kitakits na lang ulit pagkalipas ng sampung taon. Hihi.